Bakı. 14 mart. REPORT.AZ/ Kollektiv Təhlükəsizlik Müqaviləsi Təşkilatı (KTMT) ən qısa müddət ərzində Tacikistana hərbi birliklər göndərə bilər. "Report"un "İnterfax" agentliyinə istinadən verdiyi xəbərə görə, bunu KTMT-nin baş katibi Nikolay Bordyuja bildirib.
O deyib ki, ehtiyac olsa, hərbi birləşmələr Tacikistan-Əfqanıstan sərhədi boyunca üç gün ərzində yerləşdirilə bilər.
N.Bordyuja həmçinin bildirib ki, Rusiya Tacakistanda ikinci cəbhə açmaq niyyətində olmasa da, KTMT-yə üzv dövlətlərin təhlükəsizliyi bir mənalı şəkildə təmin ediləcək.