​Boliviya prezidenti əməliyyat olunacaq

Bakı. 7 iyun. REPORT.AZ/ Boliviya prezidenti Evo Morales yaxın saatlarda aldığı zədə üzündən dizindən əməliyyat olunacaq.

"Report" TASS-a istinadən xəbər verir ki, bu barədə bazar ertəsi prezident yanında nazirlik məlumat yayıb.

"Həkimlərin tövsiyələrinə müvafiq olaraq Evo Morales yaxın saatlarda xəstəxanaya yerləşdiriləcək və əməliyyat olunacaq", - deyə məlumatda bildirilir.

İdarənin məlumatına görə, dövlət başçısı şənbə günü futbol oyunu zamanı sol ayağında bağları zədələyib.