Bakı. 24 yanvar. REPORT.AZ/ Nigeriyada "Boko Haram" terror qruplaşmasının silahlıları ölkənin şimal-şərqində yerləşən Mayduquri şəhəri yaxınlığındakı kəndə hücum edərək yerli sakinləri atəşə tutublar.
"Report" BBC-yə istinadən xəbər verir ki, hücum nəticəsində ən azı 15 nəfər ölüb.
Yerli hakimiyyət orqanları hücumu dövlət başçısı vəzifəsinə yenidən seçilmək uğrunda kampaniyaya başlayan ölkə prezidenti Qudlak Conatanın bura qarşıda gözlənilən səfəri ilə əlaqələndirirlər.