BMT: Yəmən əhalisinin 80 faizdən çoxunun yardıma ehtiyacı var

Bakı. 2 iyul. REPORT.AZ/ BMT Yəməndə ən yüksək humanitar böhran vəziyyəti elan edib.

"Report" Amerikanın Səsinə istinadən xəbər verir ki, BMT rəsmiləri bildirib ki, hazırda Yəmən əhalisinin 80 faizdən çoxunun yardıma ehtiyacı var.

Huti üsyançıları ötən il paytaxt Sənanı ələ keçirib və Yəmən prezidenti Əbdül Rabu Mənsur Hadini Səudiyyə Ərəbistanına qaçmağa vadar edib.

Səudiyyə Ərəbistanı Hadi hökumətini bərpa etmək üçün hava hücumları həyata keçirən ərəb koalisiyasına başçılıq edir.