Bəşər Əsəd Rusiya və İranın dəstəyinə arxayındır

Bakı. 27 avqust. REPORT.AZ/ Suriya prezidenti Bəşər Əsəd bəyan edib ki, Rusiya və İran rəsmi Dəməşqə dəstək verməkdə davam edəcək.

"Report" BBC-yə istinadən xəbər verir ki, dövlət televiziyasına müsahibə verən B.Əsəd, İranla Qərb arasında əldə olunan məlum razılaşmadan sonra Moskva və Tehranın regional siyasətinin dəyişəcəyinə dair mülahizələri əsassız sayıb.

Əsəd həmçinin vurğulayıb ki Suriyada beynəxalq müşahidəçilərin nəzarəti altında seçkilərin keçirilməsinə yol verilməyəcək.