Bakı. 15 yanvar. REPORT.AZ/ Belarus parlamentinin Aşağı Palatası ölkə prezidenti Aleksandr Lukaşenkoya Andrey Kobyakovu baş nazir vəzifəsinə təyin etməsinə icazə verilməsini təsdiqləyib.
"Report" "İTAR-TASS"a istinadən xəbər verir ki, məsələ ilə bağlı səsvermə Aşağı Palatanın növbədənkənar iclasında keçirlib.
Andrey Kobyakov 2010-cu ildən Nazirlər Kabinetinə başçılıq edən Mixail Myasnikoviçi əvəz edəcək.
Xatırladaq ki, Belarus prezidenti Aleksandr Lukaşenko 2014-cü il dekabrın 27-də 54 yaşlı A.Kobyakovun baş nazir postuna təyin edilməsi haqda fərman imzalayıb. Ölkə konstitusiyasına uyğun olaraq, iki həftə ərzində Aşağı Palata bu təyinata razılıq verməlidir.