Bakı. 24 iyun. REPORT.AZ/ NATO baş katibi Yens Stoltenberq Böyük Britaniyanın Avropa İttifaqından çıxışı ilə bağlı qərarına manasibət bildirib.
"Report" xəbər verir ki, Y.Stoltenberq yaydığı bəyanatda bu qərarın Böyük Britaniya və Aİ arasındakı münasibətlərdə növbəti mərhələ olduğunu qeyd edib. "Lakin bilirəm ki, onların NATO-ya qarşı mövqeyi dəyişməz qalacaq", - deyə baş katib vurğulayıb.
Onun sözlərinə görə, Böyük Britaniya NATO-nun güclü və sadiq tərəfdaşı olaraq qalacaq.
"Alyans Aİ ilə sıx əməkdaşlığa sadiqdir. Varşava sammitində bu əməkdaşlığın səviyyəsini daha da yüksəldəcəyik", - deyə Y.Stoltenberq bildirib.