Bakı. 17 oktyabr. REPORT.AZ/ İraq paytaxtı Bağdadda hökumətin xüsusi qoruduğu "yaşıl zona" yaxınlığında güclü partlayış olub.
Bu barədə "Report" RİA "Novosti"yə istinadən xəbər verir.
İraqın "Al Sumaria" telekanalı partlayışın Salihiyə rayonunda baş verdiyini xəbər verib. İnsidentin təfərrüatları açıqlanmır.
Qeyd edək ki, xüsusi qorunan bu zonada hökumət binaları və xarici ölkələrin səfirlikləri yerləşir.