Bakı. 02 mart. REPORT.AZ/ Avstriya fevralın 24-də həbsxanada asılmış vəziyyətdə tapılan Rahat Əliyevin meyitinin təkrar yarmasını həyata keçirmək üçün İsveçrəyə müraciət edib. Bu barədə "Report" "Kazakhstan Today"ə istinadən xəbər verir.
Xatırladaq ki, R.Əliyevin əvvəlki yarılması zamanı sedativ preparatların izləri aşkar olunub, bu da onun ölümündə üçüncü şəxslərin olmasına dair vəkillərin şübhələrini artırıb.
Avstriya rəsmilərinin fikrincə, Qazaxıstanın Avstriyadakı sabiq səfiri R.Əliyev intihar edib. Təkrar yarılma onun ölümünün əsl səbəblərini istintaqdan gizlədilməsi cəhdləri haqqında şübhələri aradan qaldırmaq üçün lazımdır.