Bakı. 13 iyun. REPORT.AZ/ Avropa İttifaqı (Aİ) ölkələri altı il ərzində 5 mln. miqranta vətəndaşlıq verib, onların arasında birinci yeri Mərakeşdən gələn mühacirlər tuturlar.
"Report" ТАСС-a istinadən xəbər verir ki, bu barədə Avropanın "Avrostat" statistika agentliyi məlumat verib.
Agentlik 2009-ci ildən 2014-cü ilə qədər Avropa vətəndaşlığının verilməsi üzrə yekunları açıqlayıb.
"Aİ-nin 28 dövləti 2009-ci ildən 2014-cü ilə qədər 5 mln.dan çox miqranta vətəndaşlıq verib",- "Avrostat"dan bildiriblər.
Məlumata görə, yalnız 2014-cü ildə Aİ ölkələri 890 min nəfərə vətəndaşlıq verib. İlk üç yeri Mərakeş (9,2%), Albaniya (4,1%) və Türkiyədən (3,7%) olan mühacirlər tutur. Dördüncü yerdə hindlilər gəlir (3,5%), onların əsas hissəsini Böyük Britaniya və İrlandiya qəbul edir.