​Avropa Parlamenti Rusiya ilə əməkdaşlığı dayandırıb

Bakı. 03 İyun. REPORT.AZ/ Avropa Parlamentinin mətbuat xidməti bəyan edir ki, Rusiyanın Avropa İttifaqındakı (Aİ) səfiri Vladimir Çijov Rusiya-Aİ əməkdaşlığı çərçivəsində işin dayandırıldığı barədə məlumatlandırılıb.

"Report" xəbər verir ki, həmçinin Çijov və daha bir rusiyalı diplomatın parlament binasına girişinin məhdudlaşdırılması barədə qərar qəbul edilib.

Rusiya Dövlət Dumasının deputatlarına gəldikdə isə, onların Avropa Parlamentinə buraxılması barədə qərar fərdi qaydada qəbul olunacaq.

Belə bir qərar Rusiya tərəfindən Avropa siyasətçiləri üçün müəyyən edilən "qara siyahı"dan sonra qəbul olunub.