Bakı. 30 Avqust. REPORT.AZ/ Sentyabrın 14-də Brüsseldə Avropa İttifaqı (Aİ) ölkələrinin daxili işlər və ədliyyə nazirlərinin miqrantların məsələləri üzrə təcili iclası keçiriləcək.
“Report” xəbər verir ki, bu barədə Aİ-yə sədrlik edən Lüksemburqun “Twitter” səhifəsində məlumat verilib.
İclasda əsas mövzulardan birinin “qalmaq üçün təhlükəsiz ölkələr” siyahısının genişləndirilməsi olacağı gözlənilir.
Eyni zamanda, Avropa ölkələri ilin sonunadək qeyri-leqal miqrant və qaçqınların yerləşdirilməsi probleminin xüsusilə kəskin olduğu İtaliya və Yunanıstanda qaçqınlar üçün qəbul məntəqələri açmağı planlaşdırır.