Aİ XİN başçıları yanvarın 18-də iclas keçirəcək

Bakı. 13 yanvar. REPORT.AZ/ Yanvarın 18-də Belçika paytaxtı Brüsseldə keçiriləcək Avropa İttifaqının 28 ölkəsinin xarici işlər nazirlərinin bu il üçün ilk iclasında Suriya, İraq və Ukraynadakı vəziyyət müzakirə olunacaq.

"Report" "RİA Novosti"yə istinadən xəbər verir ki, bu barədə Aİ Şurasının nümayəndəsi məlumat verib.

Mənbə, həmçinin Polşa hakimiyyətinin həyata keçirdiyi və Aİ-nin qətiyyətlə tənqid etdiyi siyasi islahatlarla bağlı nazirlərin fikir mübadiləsi aparacağını da istisna etməyib.