Bakı. 3 oktyabr. REPORT.AZ/ ABŞ Suriyada atəşkəslə bağlı Rusiya ilə əməkdaşlığı dayandırır.
"Report" "TASS" agentliyinə istinadən xəbər verir ki, bu barədə ABŞ Dövlət Departamentinin mətbuat katibi Con Kirbi bildirib.
"Birləşmiş Ştatlar Suriyada atəşkəs rejiminin bərpası üçün Rusiyayla ikitərəfli əlaqələrdə öz iştirakını dayandırır. Bu qərarın qəbulu çətindir", - deyə o qeyd edib.
ABŞ rəsmisi qeyd edib ki, buna səbəb Rusiyanın üzərinə götürdüyü öhdəliklərə əməl etməməsidir. Dövlət Departamentinin mətbuat katibi baş verənlərə təəssüf etdiyini vurğulayıb.
Rəsmi Vaşinqton Moskvanı öhdəliklərin yerinə yetirilməməsinə görə ittiham edir.