ABŞ rəsmiləri Türkiyəni tənqid etməkdən qaçınır

Bakı. 5 dekabr. REPORT.AZ/ ABŞ rəsmiləri Türkiyənin terrorçu "İŞİD" qruplaşmasına qarşı Suriya və İraqda apardığı əməliyyatlara dair tənqidi fikirlərdən qaçınır.

"Report" "TASS" agentliyinə istinadən xəbər verir ki, Pentaqon rəhbəri Eşton Karterin "Türkiyə İŞİD-lə mübarizədə daha ciddi addımlar ata bilər" sözlərini şərh edən ABŞ Dövlət Departamentinin rəsmisi Elizabet Trudo bildirib ki, Ankara "İŞİD"-ə qarşı yaradılan Beynəlxalq koalisiyanın "vacib tərəfdaşıdır".

Trudo qeyd edib ki, ABŞ rəhbərliyi bütün tərəfdaş dövlətlərlə hansı addımların atılacağını müzakirə edir: "Biz Türkiyənin siyasətini alqışlayırıq".