Bakı. 20 aprel. REPORT.AZ/ ABŞ prezidenti Barak Obmanın Səudiyyə Ərəbistanına rəsmi səfəri başlayıb.
"Report" xəbər verir ki, bu haqda İsrail KİV-i məlumat yayıb.
Məlumata görə, o, Səudiyyə Ərəbistanı kralı Salman bin Əbdüləziz əs-Səud, Körfəz Əməkdaşlıq Şurasına daxil olan dövlətlərin başçıları ilə görüşəcək.
ABŞ prezidenti onlarla Suriya, İraq, Yəməndəki vəziyyəti, eləcə də İrandan ehtimal olunan təhlükəni müzakirə edəcək.
Qeyd edək ki, 6 günlük rəsmi səfər zamanı Barak Obama Səudiyyə Ərəbistanından sonra Britaniya və Almaniyaya yola düşəcək.
Ağ Evin məlumatına görə, Londonda prezidentə xanımı Mişel Obama da qoşulacaq.