40 min hərbi qulluqçu ABŞ ordusundan ixtisar ediləcək

Bakı. 8 iyul. REPORT.AZ/ ABŞ Silahlı Qüvvələrinin şəxsi heyyəti tərkibində 2017-ci ilədək 40 min nəfər azaldılacaq.

"Report"un İnterfaks agentliyinə istinadən verdiyi məlumata görə, ixtisarlar həm ABŞ-ın daxilindəki hərbi birləşmələri həm də xaricdəki bazaları əhatə edəcək.

Bununla yanaşı Pentaqonda işləyən 17 min mülki şəxs də işini itirəcək.

Səbəb kimi, ABŞ-ın hərbi büdcəsinin tədricən azaldılması göstərilir. Beləliklə, Pentaqon 450 min hərbi qulluqçudan istifadə edə biləcək.

Qeyd edək ki, ABŞ hərbçilərinin maksimal sayı İraqla müharibə zamanı qeydə alınmışdı (570 min nəfər).