Bakı. 15 iyul. REPORT.AZ/ ABŞ-ın Nyuport şəhərində Fransanın "Zodiac Aerospace" şirkətinə məxsus zavodda partlayış baş verib. Bu barədə "Report" "İnterfaks" agentliyinə istinadən xəbər verir.
Həkimlərin verdiyi məlumata görə,ən azı dörd nəfər yaralanıb və onlar xəstəxanaya yerləşdiriliblər.
Hadisə yerində xilasetmə xidmətinin briqadaları fəaliyyət göstərir. Partlayışın səbəbləri hələlik məlum deyil.
Qeyd edək ki, "Zodiac Aerospace" şirkəti aerokosmik avadanlıqlarının yaradılması və istehsalı üzrə ixtisaslaşıb.