Bakı. 21 iyun. REPORT.AZ/ ABŞ-ın Pensilvaniya ştatının Filadelfiya şəhərində qonaqlıqda baş verən atışma nəticəsində 2-si uşaq olmaqla 7 nəfər yaralanıb.
"Report" xəbər verir ki, bu haqda "NBC10" telekanalı məlumat yayıb.
Uşaqlardan biri 2, digəri isə 10 yaşındadır.
Şahidlər deyib ki, naməlum şəxs küçədə adamlara atəş açıb.
"Görünür, o qarşısına çıxan hər kəsə atəş açırmış", - məlumatda bildirilib.
Hadisə nəticəsində yaralananlar xəstəxanaya yerləşdirilib. Faktla bağlı araşdırma aparılır.