Bakı. 26 mart. REPORT.AZ/ Xilasedicilər Fransanın çətin keçilə bilən Alp dağları ərazisindən qəzaya uğramış "Germanwings" aviaşirkətinə məxsus "A320" təyyarəsinin ilk sərnişininin qalıqlarını çıxartmağa müvəffəq olublar.
"Report" TASS-a istinadən xəbər verir ki, bu barədə "DPA" nəşrinə Fransa polisinin nümayəndəsi məlumat verib.
Bununla yanaşı o, xlasedicilərin neçə cəsəd çıxartmağa nail olduqlarını açıqlamayıb.
Barselona-Düsseldorf marşrutu üzrə hərəkət edən "A320" layneri çərşənbə axşamı dağlıq yüksəkliklərdə qəzaya uğrayıb. Təyyarədə olan 144 sərnişin və altı heyət üzvü həlak olub. Ölənlərin əksəriyyəti Almaniya və İspaniya vətəndaşlarıdırlar.