YAP Quba rayon təşkilatına yeni sədr seçilib - FOTO

Bakı. 30 aprel. REPORT.AZ/ Bu gün YAP Quba rayon təşkilatının 10-cu konfransı keçirilib. "Report" xəbər verir ki, tədbirdə ötən konfransdan keçən müddət ərzində görülən işlər müzakirə olunub və eyni zamanda təşkilati məsələlərə baxılıb.

Qeyd olunub ki, YAP Quba rayon təşkilatının sədri Ədalət Nəbiyev Ağcabədiyə Zona Maliyyə Təftiş İdarəsinə rəis təyin edildiyi üçün Partiya təşkilatının sədrliyindən azad olunmasını xahiş edib. Konfransda YAP rayon təşkilatının idarə heyətinin üzvləri seçilib və səsvermə zamanı Quba Rayon İcra Hakimiyyəti başçısının birinci müavini Yusif Abidov yetkinliklə təşkilatın sədri seçilib.