Bakı. 2 iyun. REPORT.AZ/ "YAP parlament seçkisində bütün seçki dairələrindən namizəd irəli sürəcək".
Bunu "Report"a açıqlamasında hakim Yeni Azərbaycan Partiyasının (YAP) icra katibinin müavini, deputat
O bildirib ki, YAP 125 seçki dairəsinin hər birindən seçicilərin etimadını qazanacaq, vətəndaşların dəstəklədiyi və istədiyi namizədlər irəli sürəcək: "Biz partiya olaraq Azərbaycan cəmiyyətinin istəyinə uyğun şəkildə proqram müəyyən edirik. Şəhər və rayonlarda namizədlərlə bağlı araşdırmalar aparmışıq. Artıq bu proses yekunlaşmaq üzrədir. YAP vətəndaşların dəstəklədiyi şəxslərin namizədliyini irəli sürəcək".
S.Novruzov YAP-ın ümumrespublika müşavirəsində parlament seçkiləri ilə bağlı tapşırıqların verildiyini də xatırladıb: "Müşavirədə partiyanın yerli təşkilatlarına şəhər və rayon seçki qərargahlarında təmsil olunacaq şəxslərin siyahısını hazırlamaq tapşırığı verildi. İmza toplayan şəxslərin də siyahısı hazırlanmalıdır, onlar üçün treninqlər təşkil edilməlidir. Yaxın günlərdə bu işlərə start veriləcək".
Qeyd edək ki, bu ilin noyabrında Azərbaycanda parlament seçkilərinin keçirilməsi planlaşdırılıb. Ölkədə 125 seçki dairəsi var.