Bakı. 27 sentyabr.
“Report”un xəbərinə görə, müşahidə missiyasının üzvü Jandos Asanov deyib ki, missiya ilk dəfə olaraq referendum seçkilərini müşahidə edib.
O bildirib ki, müşahidə Bakının Yasamal və Nizami rayonlarındakı seçki məntəqələrində aparılıb və səsvermənin gedişini izləyiblər: “Ümumi nəticə qənaətbəxşdir. Bu səsvermə Azərbaycan xalqının iradəsini əks etdirir”.
Müşahidə missiyasının digər üzvü Haluk İpək isə qeyd edib ki, seçki uğurla keçirilib: “Bu, Azərbaycan xalqının iradəsidir. Seçkidə bəzi texniki qüsurlar aşkar olunub, amma bu, ümumi nəticəyə təsir etmir. Seçki beynəlxalq standartlara uyğun keçirilib. Seçicilər azad şəkildə öz iradələrini ifadə etdilər”.