Tovuz rayon Statistika İdarəsinə yeni rəis təyin olunub

Tovuz. 12 iyun. REPORT.AZ/ Tovuz rayonu Statistika İdarəsinin rəisi vəzifəsinə yeni təyinat olub.

"Report"un Şimal-Qərb bürosunun məlumatına görə, Dövlət Statistika Komitəsi sədrinin müvafiq əmri ilə Niyazi Tağıyev bu vəzifəyə təyin edilib.

O, bu postda Qasım Hüseynovu əvəz edib.

Tovuzun Əlimərdanlı kəndində doğulan N.Tağıyev, Azərbaycan Kənd Təsərrüfatı Akademiyasını bitirib. O, yeni təyinata qədər həmin idarədə baş məsləhətçi, aparıcı məsləhətçi vəzifələrində çalışıb.