MSK: Referendumda neqativ halın baş verməsi ilə bağlı müraciət daxil olmayıb

Bakı. 26 sentyabr. REPORT.AZ/ Bu gün keçirilən ümumxalq səsverməsi ilə (referendum) bağlı Mərkəzi Seçki Komissiyasının 115 “Qaynar xətti”nə şikayət daxil olmayıb.

“Report”un xəbərinə görə, bu barədə Mərkəz Seçki Komissiyası (MSK) Katibliyinin Seçkilər İnformasiya Mərkəzinin müdiri Fərid Orucov məlumat verib.

O bildirib ki, səsvermə zamanı qanun pozuntularının olması ilə bağlı MSK-nın 115 “Qaynar xətti”nə şikayət daxil olmasa da, seçki məntəqələrinin ünvanının öyrənilməsi üçün müraciətlər olub.