İnsan alverinə şərait yaradan sosial problemlərin aradan qaldırılması proqramına dəyişiklik edilib

Bakı. 9 oktyabr. REPORT.AZ/ Nazirlər Kabinetinin 2011-ci il 20 may tarixli 81 nömrəli qərarı ilə təsdiq edilmiş “İnsan alverinə şərait yaradan sosial problemlərin aradan qaldırılması üzrə Proqram”da dəyişiklik edilib.

"Report" xəbər verir ki, qərara görə, proqramın həyata keçirilməsi üzrə Tədbirlər Planı çərçivəsində əmək miqrasiyası sahəsində Azərbaycan Respublikası vətəndaşlarını işə düzəltmək üçün lisenziyası (xüsusi icazəsi) olan təsərrüfat subyektlərinin siyahısının mütəmadi olaraq dərc edilməsi prosesinə xitam verilib.

Proses Əmək və Əhalinin Sosial Müdafiəsi Nazirliyi və Dövlət Miqrasiya Xidməti tərəfindən həyata keçirilirdi.