Gənclər Fondunun Naxçıvan filialına yeni direktor təyin edilib

Arzu Qasımov Azərbaycan Respublikası Gənclər Fondunun Naxçıvan filialına yeni direktor təyin edilib.

"Report"un yerli bürosu xəbər verir ki, Azərbaycan Respublikası Gənclər Fondunun icraçı direktoru vəzifəsini icra edən Qədir Xəlilov bu gün onu kollektivə təqdim edib.

Xatırladaq ki, bir müddət öncə “Naxçıvan Muxtar Respublikasının Gənclər Fondu” publik hüquqi şəxsi ləğv olunub. Elə həmin gün Azərbaycan Respublikası Gənclər Fondunun Müşahidə Şurasının qərarı ilə fondun Naxçıvan filialı yaradılıb.