Baş nazirin müavini yanğın zamanı yaralanan insanlara baş çəkib

Bakı. 20 may. REPORT.AZ/ Baş nazirin müavini, hakim Yeni Azərbaycan Partiyası sədrinin müavini-icra katibi Əli Əhmədov Bakıda baş verən yanğında yaralananlara baş çəkib. "Report" xəbər verir ki, Ə.Əhmədov xəstələrin vəziyyəti ilə tanış olmaq üçün Kliniki Tibbi Mərkəzin toksikologiya şöbəsində olub. 

O, yaralılarla görüşüb, tibb heyəti tərəfindən həyata keçirilən təxirəsalınmaz tədbirlərin gücləndirilməsi ilə bağlı tapşırıqlar verib.