Bakı. 20 noyabr. REPORT.AZ/ Azərbaycan Prezidenti İlham Əliyev Ədliyyə Nazirliyinin əməkdaşlarına ali xüsusi rütbələrin verilməsi haqqında sərəncam imzalayıb. “Report”un məlumatına görə, sərəncama əsasən, Ədliyyə Nazirliyinin iki əməkdaşına III dərəcəli dövlət ədliyyə müşaviri ali xüsusi rütbəsi verilib. Həmin şəxslər nazirliyin Qanunvericilik baş idarəsinin rəisi Əliyev Adil Şirməmməd oğlu və nazirliyin Təşkilat-nəzarət baş idarəsinin rəisi Qasımov Elçin Lütvəli oğludur.
Dövlət başçısı həmçinin Ədliyyə Nazirliyinin əməkdaşlarına fəxri adların verilməsi haqqında da sərəncam imzalayıb. Sərəncam əsasən, ədliyyə orqanlarında səmərəli fəaliyyətlərinə görə Ədliyyə Nazirliyinin iki əməkdaşına Azərbaycan Respublikasının fəxri adları verilib.
“Əməkdar hüquqşünas”
Musayev Toğrul Sirac oğlu
“Əməkdar həkim”
Hüseynov Füzuli Fazil oğlu
Eyni zamanda Prezident İlham Əliyev həmçinin ədliyyə orqanları işçilərinin təltif edilməsi haqqında sərəncam imzalayıb. Sərəncama əsasən, ədliyyə orqanlarında qulluq keçərkən fərqləndiklərinə, ədliyyə sistemində elm, səhiyyə sahələrinin inkişaf etdirilməsində fəal iştirak etdiklərinə görə bir qrup şəxs təltif ediliblər.
3-cü dərəcəli “Vətənə xidmətə görə” ordeni ilə:
Quliyev Mədət Qəzənfər oğlu
“Tərəqqi” medalı ilə:
Məmmədova Zemfira Bəylər qızı
Tahirli Rasim Bəkir oğlu
“Dövlət qulluğunda fərqlənməyə görə” medalı ilə:
Əhmədova Ülviyyə Mahmud qızı
Əliyev Niyaməddin Cabbar oğlu
Hacıyev Rəşad Yavər oğlu
Həsənov Fərhad Fərrux oğlu
Hüseynov Nizami Əli oğlu
Xəlilov Qədir Rövşən oğlu
Salmanova Səbinə Qədir qızı