Azad Rəhimov İsmayıllıda vətəndaşları qəbul edəcək

Bakı. 15 fevral. REPORT.AZ/ Gənclər və idman naziri Azad Rəhimov fevralın 19-da İsmayıllı rayonunda vətəndaşları qəbul edəcək. Gənclər və İdman Nazirliyinin mətbuat xidmətindən "Report"a verilən məlumata görə, qəbulda Balakən, Oğuz, Qax, Qəbələ, Şəki, Zaqatala və İsmayıllı rayonlarının sakinləri iştirak edəcəklər.

Saat 11.00-da başlanacaq qəbul Heydər Əliyev Mərkəzində gerçəkləşəcək.

Qəbula gəlmək istəyən vətəndaşlar yuxarıda adıçəkilən rayonların gənclər və idman idarələri ilə əlaqə saxlamalıdırlar.