​Serj Sarqsyan Ermənistanın işğalı altında olan Dağlıq Qarabağa gəlib

Bakı. 20 noyabr. REPORT.AZ/ Ermənistan prezidenti Serj Sarqsyan ölkəsinin işğal etdiyi Azərbaycanın Dağlıq Qarabağ bölgəsinə gəlib.

"Report" xəbər verir ki, bu barədə cümə axşamı Ermənistan prezidentinin mətbuat xidməti məlumat yayıb.

O, bundan əvvəl müdafiə naziri Seyran Ohanyanın müşayiəti ilə ölkə sərhədinin şimal-şərq hissəsində yerləşən müdafiə obyektlərinə baş çəkib, qoşunların döyüş hazırlığı ilə tanış olub.