Bakı. 2 iyul. REPORT.AZ/ Rusiyanın xarici işlər naziri Sergey Lavrov və ABŞ-ın dövlət katibi Con Kerri şənbə günü telefon söhbəti zamanı Dağlıq Qarabağ münaqişəsini müzakirə ediblər.
"Report" xəbər verir ki, bu barədə Rusiya XİN-in rəsmi internet səhifəsinə yerləşdirilmiş məlumatda bildirilir.
"Söhbət zamanı ATƏT-in Dağlıq Qarabağ münaqişəsinin nizamlanması üzrə Minsk qrupu həmsədrlərinin iyunun 20-də Sankt-Peterburqda Rusiya, Azərbaycan və Ermənistan prezidentlərinin görüşünün yekunlarınının inkişafına dair atılacaq gələcək addımlarla bağlı məsələlər nəzərdən keçirilib", - deyə məlumatda bildirilir.
Telefon danışığı Amerika tərəfinin təşəbbüsü ilə baş tutub.