Bakı. 5 aprel. REPORT.AZ/ Gürcüstanın prezidenti Georgi Marqvelaşvili Ermənistan və Azərbaycan rəhbərliyini Dağlıq Qarabağda yaranan gərgin vəziyyəti sülh yolu ilə həll etmək üçün maksimum səy göstərməyə çağırıb.
Bu barədə "Report" "TASS"a istinadən xəbər verir.
Müvafiq bəyanatı Gürcüstan prezidenti bu gün Tbilisidə NATO həftəsi çərçivəsində Gürcüstanda keçirilən Xalq Diplomatiyası Beynəlxalq Forumunda çıxışı zaman edib.
"Ümid edirik ki, Ermənistan və Azərbaycan rəhbərliyi gərginliyin azaldılması və beynəlxalq ictimaiyyətin fəal iştirakı ilə münaqişənin sülh və diplomatik yollarla həll edilməsi üçün maksimum səy göstərəcək", - o bildirib.