O, yaralıların tam sayını açıqlamayıb
Bakı. 7 aprel. REPORT.AZ/ "Ermənistan Müdafiə Nazirliyinin Yerevandakı mərkəzi klinikasında hazırda 32 yaralı müalicə olunur".
"Report" Ermənistan KİV-inə istinadən xəbər verir ki, bunu ölkə Müdafiə Nazirliyi Səhiyyə İdarəsinin rəisi, polkovnik Kamo Xaçaturyan etiraf edib.
Onun sözlərinə görə, klinikada bir qayda olaraq orta, orta-ağır və ağır yaralılar müalicə olunur: "Bu günədək 4 hərbçinin yuxarı və aşağı ətrafı amputasiya edilib. Bəzi hərbçilərin hər iki ayağı kəsilib".
Kamo Xaçaturyan yaralıların sayını açıqlamadan əlavə edib: "Yaralıların qalanı Ermənistan qarnizonlarının hospitallarında yerləşdiriliblər".