​Azərbaycan xarici işlər naziri: "ATƏT-in Minsk qrupu həmsədrləri iyulun 21-də Bakıya gələcək"

Bakı. 10 iyul. REPORT.AZ/ ATƏT-in Minsk qrupu həmsədrləri iyulun 21-də Bakıya gələcək.

"Report" xəbər verir ki, bu barədə Diplomatik xidmət işçilərinin peşə bayramı ilə əlaqədar Şəhidlər Xiyabanı və Fəxri Xiyabanı ziyarət edən zaman Azərbaycanın Xarici İşlər naziri Elmar Məmmədyarov jurnalistlərə bildirib.

O, vasitəçilərin regiona səfərinin iyulun 20-də bu dəfə Ermənistandan başlayacağını qeyd edib. Nazir Dağlıq Qarabağ münaqişəsinin sülh yolu ilə həlli üzrə səylərini davam etdirəcəyini deyib.