Bakı. 18 fevral. REPORT.AZ/ Mart ayında Bakıda Azərbaycan-Pakistan biznes forumu keçiriləcək. Bu barədə "Report"a Pakistanın Azərbaycandakı səfiri Xalid Usman Qayser bildirib.
Onun sözlərinə görə, forum Pakistan prezidenti Məmnun Hüseynin Azərbaycana səfəri çərçivəsində keçiriləcək. Səfir qeyd edib ki, səfər martın ikinci həftəsinə planlaşdırılıb.
X.Qayser vurğulayıb ki, qarşıdakı forumda Pakistanın bir sıra şirkətləri iştirak edəcək. Tədbir iki ölkə arasında ticarət əlaqələrinin möhkəmlənməsinə yönəlib.