​Bu il Azərbaycana tütün idxalı 29% azalıb

Bakı. 19 oktyabr. REPORT.AZ/ Bu ilin yanvar-sentyabr ayları ərzində Azərbaycana 230 931,90 min ABŞ dolları dəyərində tütün və tütün məmulatları idxal edilib.

"Report"un Dövlət Gömrük Komitəsinə istinadən verdiyi məlumata görə, bu, 2014-cü ilin eyni dövrünə nisbətən 59 675,4 min ABŞ dolları 28,54% çoxdur. Nəticədə 2015-ci ilin 9 ayı ərzində ölkəyə idxal edilən tütün və tütün məmulatları ümumi idxalın 3,51%-ni təşkil edib.

Hesabat dövründə Azərbaycandan 6 356,04 min ABŞ dolları məbləğində tütün və tütünün sənaye əvəzediciləri ixrac edilib ki, bu da ötən ilin eyni dövrü ilə müqayisədə 3471,68 min ABŞ dolları yaxud 34,97% azdır. Tütün və tütün əvəzedicilərinin 2015-ci ildə ixracı ölkənin ümumi ixracının 0,07%-nə bərabər olub.