Azərbaycana "Mercedes-Benz"in iki yeni modeli gətirilir

Bakı. 31 iyul. REPORT.AZ/ Sentyabr ayının sonunda Azərbaycana “Mercedes-Benz” avtomobilinin iki yeni modeli - "GLE Coupe” və “GLC” modelləri gətiriləcək. "Report” xəbər verir ki, artıq bu avtomobillər üçün sifarişlərin qəbuluna başlanılıb.

“Mercedes-Benz GLC”nin baza qiyməti (ƏDV daxil olmaqla) 43 400 avro, “Mercedes-Benz GLE Coupe”nin baza qiyməti isə 64 700 avro müəyyənləşdirilib.

Qeyd edək ki, alıcılar bu qiymətə yalnız “GLE Coupe 400” modelini əldə edə bilərlər. “GLE Coupe” modelinin yalnız “GLE Coupe 400”, “GLE Coupe 450” ve “GLE Coupe 63” seriyalarını yerli avtosalonlarda tapmaq mümkün olacaq.