Bakı. 1 may. REPORT.AZ/ İranın Bəndər Ənzəli şəhərində Xəzəryanı dövlətlərin Ticarət-Sənaye, Sənaye və Kommersiya Palataları Şurasının 15-ci iclası keçirilib.
İranın Azərbaycandakı səfiri Möhsun Pak Ayin "Report"a bildirib ki, iclasın məqsədi 5 Xəzəryanı ölkənin sənaye potensialı ilə tanışlıq, münasibətlərin qurulması, eləcə də ötən iclasın yekunlarının vurulmasıdır.
Görüş zamanı, həmçinin Ənzəli-Rəşt-Astara dəmir yolu layihəsi müzakirə olunub. Xəzər hövzəsi ölkələri arasında əmtəə dövriyyəsinin artırılması üçün bu layihənin tikintisinin əhəmiyyəti vurğulanıb.
Qeyd edək ki, iclasda Niyaz Əlizadənin rəhbərlik etdiyi Azərbaycan Ticarət-Sənaye palatasının nümayəndə heyəti iştirak edib.