Jolanda Neff: "Son üç dövrədə qələbə üçün maksimum səy göstərdim"

Bakı. 13 İyun. REPORT.AZ / "Mən birinci yerə ümid edirdim və güclü küləyə baxmayaraq, son üç dövrədə qələbə qazanmaq üçün maksimum səy göstərdim". "Report" xəbər verir ki, bu barədə "Bakı 2015" I Avropa Oyunlarının qadınlar arasında dağ velosipedi idmanı üzrə yarışda ilk qızıl medalını qazanan Jolanda Neff bildirib.

"Çox şadam ki, mən I Avropa Oyunlarında iştirak edirəm və yarışların ilk qızıl medalı mənə təqdim edildi. Bu, çox böyük hadisədir və burada hər şey ideal təşkil olunub. Özümü bu yarışın bir hissəsi kimi hiss etmək məni olduqca sevindirir", -  idmançı bildirib.