Çimərlik futbolu üzrə Azərbaycan millisi "Bakı 2015"də son oyununa çıxacaq

Bakı. 28 iyun. REPORT.AZ/ Azərbaycanın çimərlik futbolu üzrə milli komandası bu gün "Bakı 2015" I Avropa Oyunlarında sonuncu olmamaq üçün mübarizə aparacaq. "Report"un məlumatına görə, saat 11:30-da başlanacaq 7-ci yer uğrunda görüşdə rəqib Macarıstan yığması olacaq.

Saat 13:00-da Ukrayna və İspaniya 5-ci yer, saat 14:30-da İsveçrə və Portuqaliya 3-cü yer uğrunda matçda üz-üzə gələcək. Saat 16:00-da başlanacaq final oyununda isə İtaliya və Rusiya milliləri qarşılaşacaq.