"Bakı-2015"in medallarının təqdimatının keçiriləcəyi tarix açıqlanıb

Bakı. 3 fevral. REPORT.AZ/ "Bakı 2015" I Avropa Oyunlarının medalları fevralın 5-də təqdim olunacaq. "Report"un məlumatına görə, bu barədə gənclər və idman naziri, Oyunların Əməliyyat Komitəsinin baş icraçı direktoru Azad Rəhimov deyib.

Onun sözlərinə görə, təqdimat "Bakı-2015"in Koordinasiya Komitəsinin Bakıda təşkil olunacaq son iclası çərçivəsində baş tutacaq: "Medalların dizaynı təsdiqlənib. 2 000-dən çox medalın istehsalına başlanılıb".