​“Bakı-2015” I Avropa Oyunlarının təxliyə prosesi sınaqdan keçirilib

Bakı. 04 İyun. REPORT.AZ/ Bu gün “Bakı-2015” I Avropa Oyunlarının təxliyə prosesi sınaqdan keçirilib.

"Report" xəbər verir ki, Avropa Oyunları Əməliyyat Komitəsinin baş ofisi qarşısında keçirilən sınaq əməliyyatı uğurla başa çatıb.

Komitənin əməkdaşı bildirib ki, hər bir böyük təşkilat belə mötəbər tədbirdən əvvəl özünün fövqəladə vəziyyət və təxliyə imkanlarını sınaqdan keçirir. “Bakı-2015” birinci Avropa Oyunlarının Əməliyyat Komitəsi də bu gün bu imkanları uğurla və rəvan şəkildə həyata keçirib.