​"Bakı 2015": Bu gün atıcılıq yarışlarına yekun vurulacaq

Bakı. 22 iyun. REPORT.AZ/ Bu gün "Bakı 2015" I Avropa Oyunlarında atıcılıq yarışlarına yekun vurulacaq. "Report"un məlumatına görə, son yarış günündə Azərbaycan təmsilçiləri də mübarizə aparacaq.

İradə Aşumova və Ruslan Luneydən ibarət qarışıq komanda 10 metrdən hava tapançası ilə atəş açacaq. Qarışıq komandaların dairəvi stend yarışında isə Emin Cəfərov və Nurlana Cəfərova iştirak edəcək.

Qeyd edək ki, iyunun 16-dan start götürən atıcılıq yarışında bugünədək 48 medal öz sahibini tapıb.