Bakı. 21 iyun. REPORT.AZ/ Fransada keçirilən futbol üzrə Avropa Çempionatında qrup mərhələsinin 3-cü turunun oyunları davam edir. "Report" xəbər verir ki, bu dəfə B qrupunda mübarizəyə yekun vurulub.
Paralel keçirilən oyunlardan biri İngiltərə və Slovakiya komandaları arasında baş tutub. Komandalar meydandan qolsuz bərabərliklə ayrılıblar.
Uels millisi isə Rusiya komandasını 3:0 hesablı ilə məğlub edib.
Beləliklə, Uels komandası 1/8 finala qrup lideri olaraq vəsiqə qazanıb. İngiltərə isə qrup ikincisi kimi play-off mərhələsinə adlayıb. Qrupda 3-cü olan Slovakiya milli komandası digər qruplardakı mübarizənin sonunu gözləməkdədir.