İqtisadiyyat və Sənaye Nazirliyindən "Report"a verilən məlumata görə, Qurban Bayramı ilə əlaqədar əhalinin qurbanlıq heyvanlara olan tələbatının daha dolğun ödənilməsi, eləcə də süni qiymət artımının qarşısının alınması məqsədilə İqtisadiyyat və Sənaye Nazirliyi, Kənd Təsərrüfatı Nazirliyi, Bakı şəhər İcra Hakimiyyəti və digər aidiyyəti dövlət orqanları tərəfindən heyvandarlıqla məşğul olan sahibkarlarla birlikdə bayram günlərində Bakı şəhərində və Bakıətrafı qəsəbələrdə bazardakı qiymətlərlə müqayisədə daha ucuz qurbanlıq heyvanların satışı təşkil olunacaq.
Qeyd edək ki, satış yerlərinin ünvanları barədə əlavə məlumat nazirlik tərəfindən veriləcək.
Qurban Bayramı bu il oktyabrın 5-6-da qeyd olunacaq.