"Qarabağ" - "Göteborq" qarşılaşması "İdman Azərbaycan"da yayımlanacaq

Bakı. 17 avqust. REPORT.AZ/ Avropa Liqasının pley-off mərhələsinin ilk oyunları çərçivəsində Azərbaycanın "Qarabağ" klubu sabah İsveçin "Göteborq" komandasının qonağı olacaq.

"Report" "Qarabağ" futbol klubunun saytına istinadən xəbər verir ki, bu qarşılaşma "İdman Azərbaycan" telekanalı vasitəsilə canlı yayımlanacaq. Oyun sabah Bakı vaxtı ilə saat 21:00-da start götürəcək.

Xatırladaq ki, avqustun 25-də baş tutacaq cavab görüşü də "İdman Azərbaycan" kanalında canlı yayımlanacaq.