Türkiyə nümayəndə heyəti Umbakı Penitensiar Kompleksinə baxış keçirib

Türkiyə İnsan Hüquqları və Bərabərlik Qurumunun (TİHEK) sədri Muharrem Kılıçın rəhbərlik etdiyi nümayəndə heyəti Azərbaycana səfərə gəlib, Umbakı Penitensiar Kompleksinə baxış keçirib.

"Report" xəbər verir ki, Ombudsman Səbinə Əliyevanın dəvəti ilə baş tutan səfər müddətində qonaqlar yeni istifadəyə verilən müəssisənin bütün korpuslarına baxış keçirib, burada yaradılan ümumi şəraitlə, saxlanılan şəxslərin, o cümlədən ömürlük azadlıqdan məhrum etmə növündə cəzaya məhkum olunmuş şəxslərin hüquqlarının müdafiəsi vəziyyəti ilə yaxından tanış olub.

Qeyd edək ki, yaxın günlərdə Türkiyə İnsan Hüquqları və Bərabərlik Qurumunun nümayəndə heyətinin şəxslərin öz iradəsi ilə tərk edə bilmədiyi digər müəssisələrə səfərləri, habelə bəzi rəsmilərlə görüşləri nəzərdə tutulub.