AFFA klublara təhlükəsizlik mövzusunda seminar keçib

AFFA-nın təşkilatçılığı ilə Premyer Liqa və I Liqa klublarının təhlükəsizlik, mühafizə üzrə məsul şəxsləri üçün seminar keçirilib.

"Report" milli assosiasiyanın rəsmi saytına istinadən xəbər verir ki, Azərbaycan hüquq-mühafizə orqanlarının (Daxili İşlər Nazirliyi, Dövlət Təhlükəsizlik Xidməti) əməkdaşlarının iştirakı ilə “İzdihamın idarə edilməsi” və “Futbol stadionlarında təhlükəsizlik” mövzularında tədbir baş tutub.

Tədbirin sonunda iştirakçılara sertifikat təqdim olunub.